NJOFTIM PUNE
NJOFTIM PËR POZICION PUNE. PART TIME 4 ORE, 9:00–13:00.
Linja e Këshillimit për Burra dhe Djem kërkon të angazhojë një profesionist në pozicionin:
KËSHILLUES PSIKOSOCIAL
Punonjës Social Klinik | Psikolog Klinik | Psikolog Këshillimi
Një ftesë te veçantë kanë studentët në nivel Masteri – Puna është paradite .
Linja e Këshillimit për Burra dhe djem është një organizantë e fokusuar në trajtimin dhe parandalimin e fenomenit të dhunës në familje. Linja u themelua në vitin 2010 si një organizatë drejt barazizë gjinore nga këndvështrimi i Burrave dhe Djemve.
Linja e Këshillimit për Burra dhe Djem synon të ndihmojë burrat dhe djemtë që kalojnë faza të vështira.
Duke siguruar që qënia e sigurtë e gruas dhe fëmijës mbetet qëllimi ynë primar në punën me burrat.
NJOFTIM PUNE përfshihet në programet tone.
Ideja e Linjës së Këshillimit për të punuar me burrat dhunues është shumë e lehtë. Kjo e bën procesin të qartë.
Burrat duhet të marrin përsipër përgjegjësinë e tyre për dhunën e ushtruar në familje.
Shumica e dhunës shkaktohet nga një burrë.
Edhe pse ne mendojmë se vetëm një pjesë e burrave ushtrojnë dhunë në familje, jemi të sigurt se të gjithë burrat së bashku mund të ndikojnë në ndryshimin e mentalitetit dhe mjedisit që i lejon burrat e tjerë të jenë të dhunshëm.
Aktivitetet kryesore të Linjës së Këshillimit për Burra dhe Djem janë si në vijim:
• Ofrojmë seanca këshillimi për burra dhe djem.
• Trajnime me të rinjtë, formim grupesh.
• Trajnimet në shkolla dhe qendrat rinore
• Fushatat publike në mediat vizive dhe auditive
• Informacione dhe advokim për të rinjtë
Çfarë Synojmë…
• Reduktimin e dhunës në familje.
• Ndërgjegjësimin për çështje të dhunës në familje nga një perspektivë ku në fokus është dhunuesi.
• Të rinj të edukuar dhe me një qasje kundër dhunës në familje e më gjerë.
• Aktivitete advokuese dhe lobuese për parandalimin e dhunës
• Kërkime rreth çështjes së dhunës me në fokus dhunuesin.
Në punën tonë me dhunuesit ne synojmë.
• Individi të kuptojë origjinën dhe burimin e dhunës.
• Individi të jetë i ndërgjegjshëm për veprimin që ka kryer.
• Individi të marrë përsipër përgjegjësinë e veprimit te tij.
• Së bashku me individin të ndërtojmë plane ndërhyrje për trajtimin e tij.
KËSHILLUES PSIKOSOCIAL
Punonjës Social Klinik | Psikolog Klinik | Psikolog Këshillimi
Angazhim: Part Time
Rreth pozicionit
Profesionisti do të angazhohet në ofrimin e këshillimit psikosocial/terapisë për burra dhe djem të përfshirë në sjellje të dhunshme në të gjitha format e dhunës që parashikon ligji Nr.11/2026 me fokus në përgjegjësimin, ndryshimin e sjelljes dhe parandalimin e përsëritjes së dhunës.
Për shkak të natyrës specifike të punës me autorët e dhunës dhe profilit të shërbimit, preferohet kandidat mashkull.
Detyrat kryesore
• Ofrimi i këshillimit individual dhe/ose në grup për autorët e dhunës në familje;
• Vlerësimi psikosocial dhe identifikimi i nevojave të klientëve;
• Hartimi dhe ndjekja e planeve individuale të këshillimit;
• Dokumentimi profesional dhe respektimi i konfidencialitetit;
• Bashkëpunimi me ekipin multidisiplinar dhe shërbimet përkatëse;
• Zbatimi i parimeve të përgjegjësimit të autorit dhe sigurisë së viktimave.
Kriteret
• Diplomë në Punë Sociale klinike , Psikologji Klinike ose Psikologji Këshillimi
• Licencim professional ose në process licensimi
• Eksperienca e mëparshme profesionale nuk është e domosdoshme, por përbën avantazh,
• Interes dhe motivim për të punuar me çështjet e dhunës në familje dhe asaj me bazë gjinore si dhe ndryshimit të sjelljes
• Aftësi të mira komunikuese, ndërpersonale dhe profesionale
• Gatishmëri për trajnim, supervizim dhe zhvillim profesional
Çfarë ofrojmë
Mbështetje dhe supervizim profesional;
Mundësi trajnimi dhe zhvillimi profesional;
Mundësi për të fituar eksperiencë të specializuar në punën me autorët e dhunës;
Përfshirje në një shërbim të specializuar për parandalimin dhe rehabilitimin e dhunës në familje dhe asaj me baze gjinore .
Aplikimi
Të interesuarit ftohen të dërgojnë CV-në dhe një Letër Motivimi në:
Në subjekt të email-it të specifikohet:
“Aplikim – Këshillues Part Time”
Afati i aplikimit: 31.09.2026
Bashkohu me ne për të kontribuar në ndryshimin e sjelljeve të dhunshme dhe në ndërtimin e marrëdhënieve dhe familjeve më të sigurta.